Гап CAR-T иммунотерапияси – беморнинг ўз ҳужайралари ўсимтага қарши курашиш учун қайта дастурлаштирилиб, организмга қайтариладиган жараён ҳақида бормоқда. Тадқиқот The Lancet журналида чоп этилди.
Иккинчи босқич синовлари Хитойда ўтказилди ва унда ошқозон ва ошқозон-қизилўнгач бирикмаси саратонининг илғор шакллари бўлган 156 киши иштирок этди. Иштирокчилар аллақачон камида иккита муваффақиятсиз даволаниш курсидан ўтишган. Satri-cel олган гуруҳда ўртача умр кўриш назорат гуруҳидаги 5,5 ойга нисбатан ўртача 7,9 ойни ташкил этди. Беморларнинг 22 фоизида ўсмалар сезиларли даражада қисқарди (анъанавий терапияда 4 фоизга нисбатан) ва касалликнинг ривожланиши ярмига секинлашди.
Терапиянинг асосий нишони ўсма ўсишига ёрдам берувчи CLDN18.2 оқсили эди. Satri-cel уни блоклайди ва иммунитет тизимига касаллик билан курашиш имкониятини беради. Гарчи деярли барча беморлар ножўя таъсирларни, шу жумладан қон ҳужайралари сонининг камайишини бошдан кечирган бўлса-да, улар бошқарилиши мумкин деб ҳисобланди.
Тадқиқотчилар бу касалликни якуний давоси эмас, балки саратоннинг энг оғир шаклларидан бирига қарши курашда муҳим қадам эканлигини таъкидламоқда, деб хабар беради lenta.ru.
