Спорт клубининг очилиш тадбирида вилоят Туризм ва спорт бош бошқармаси ва туман ҳокимлиги масъуллари иштирок этиб, бугунги кунда шахматга берилаётган эътибор, етишиб чиқаётган иқтидорли ёш шахматчилар, ҳар бир ташкилот, маҳалла гузарлари, меҳмонхоналар, овқатланиш шохобчаларида аҳоли учун шахмат бурчаклари ташкил этилаётгани ҳамда республикамизнинг барча вилоятларида босқичма-босқич 2024 йилга қадар болалар-ўсмирлар шахмат мактаблари ташкил этилиши тўғрисида таъкидлаб ўтишди.
Шунингдек, тадбир давомида шу йил 27-30 апрель кунлари Тошкент шаҳрида бўлиб ўтган Баҳодирлар ўйинлари ва тош кўтариш бўйича Осиё чемпионатида ғолиб ва совриндор бўлган бир гуруҳ Сардоба тумани спортчи-ёшлари Сирдарё вилояти Туризм ва спорт бош бошқармаси ҳамда Сардоба тумани ҳокимлиги томонидан эсдалик совғалари билан тақдирланишди.