Аэропорт аэродромининг сунъий сиртки қисми капитал таъмирланди, яъни узунлиги 1550 метр, эни 35 метр бўлган учиш-қўниш йўлагининг бутун узунлиги бўйлаб икки қатламда, юриш йўлаги ҳамда иккита АТР-72-60 самолёти учун тўхташ жойлари мавжуд перрони асфальт-бетон билан мустаҳкамланди.
100 нафаргача йўловчига мўлжалланган янги терминал қурилиши ҳам ниҳоясига етмоқда. Барча ишлар якунлангач, бир ой ичида Сариосиё аэропортига мунтазам рейслар амалга оширилиши режалаштирилган.
Эслатиб ўтамиз, Сариосиё сўнгги йилларда ўз фаолиятини тиклаган бешинчи ҳудудий аэропорт бўлди.
Бунгача Мўйноқ, Қўқон, Шаҳрисабз ва Зомин аэропортлари реконструкция қилиниб, фойдаланишга топширилди.
