“Смоленск вилоятининг иккита туманида ёнилғи-энергетика объектларида учувчисиз учиш қурилмалари ҳужумидан кейин ёнғин содир бўлди”, деди губернатор Анохин.
Унга кўра, ёнғин Смоленский ва Ярцево туманларида содир бўлган.
Шу билан бирга, Shot телеграм саҳифасининг хабар беришича, икки ҳолатдан бирида гап Смоленскдан 20 километр узоқликда жойлашган Раздорово қишлоғи яқинидаги нефть омбори ҳақида кетмоқда.
Қайд этилишича, у ерда биринчи портлаш эрталаб соат 3:15 да эшитилган, 15 дақиқадан сўнг эса яна бир портлаш овози эшитилган, шундан сўнг саноат обекти ҳудудида ёруғлик ва тутун пайдо бўлган. Тахминан соат 4 га келиб, яна бир нечта кучли портлашлар эшитилди.
Учувчисиз учиш қурилмаси ҳужум қилгани айтилаётган иккинчи объект ҳозирча номаълум, деб хабар беради korrespondent.net.
