Билл Гейтснинг айтишича, кейинги 5 йил ичида сунъий интеллект бизнинг компьютерлар билан ўзаро муносабатимизни тубдан ўзгартиради.
У мустақил иловалар ўрнига оддий тилда сўровларни қайта ишлашга қодир сунъий интеллект агентлар хизматларини таклиф қилади. Бу эса дастурий таъминот саноатида инқилоб ҳисобланади.
Унинг таъкидлашича, агентлар фойдаланувчини шахс сифатида тан олади ва унинг эҳтиёжларини башорат қилиш қобилиятига эга бўлади. Сунъий интеллект соғлиқни сақлаш (ташхис ва даволаш), таълим (маълумот бериш, текшириш ва баҳолаш), бизнес бошқаруви ва бошқа соҳаларга ижобий таъсир кўрсатди.
Умуман олганда, Билл Гейтснинг фикрига кўра, келгусида сунъий интеллект ҳаётимизнинг ҳар бир жабҳасининг ажралмас қисмига айланади.
