ЖССТ ҳисоботига кўра, сўнгги бир ҳафта ичида дунёда COVID-19 дан ўлим ҳолати 11 фоизга ошган.
Жаҳон миқёсида COVID-19 билан касалланганларнинг сони олтинчи ҳафтадирки ўсиб бормоқда, сўнгги ҳафтада 4 миллиондан ортиқ янги ҳолат қайд этилган. Жаҳон соғлиқни сақлаш ташкилоти маълумотига кўра, вафот этганлар сони ҳам ўтган ҳафтага нисбатан 11 фоизга ошди, 71 мингдан ортиқ ўлим қайд этилди.
Таъкидланишича, касалланишнинг энг катта ўсиши Жануби-Шарқий Осиёда, айниқса Ҳиндистонда, шунингдек Тинч океанининг ғарбий минтақасида кузатилган.