Деҳлидан келган йўловчилардан бири аэропортнинг учиб келиш залида Умра сафаридан қайтган зиёратчиларни кўриб, қинғир режа тузди. У божхона назоратидан ўтмай қутуламан, деб ўйлаб, аэропорт ҳожатхонасида кийимини алмаштирди ва ўзини зиёратчи сифатида кўрсатишга уринди.
Бироқ ходимлар унинг ҳаракатларидан шубҳаланиб, багажини текширувдан ўтказди. Натижада, қиймати 205 миллион сўмга яқин бўлган 1 798 дона турли хил дори воситалари яширин ҳолда олиб кирилмоқчи бўлгани аниқланди.
Энг қизиғи, у ўзини зиёратчи сифатида кўрсатиб, назоратдан ўтиб кетаман, деб ўйлаган, аммо божхона ходимлари унинг қинғир режасини фош қилишди.
Ҳозирда ҳолат юзасидан тегишли божхона текширувлари олиб борилмоқда.
