Бу ҳақда Бош котибнинг матбуот котиби Стефан Дюжаррик кундалик брифингда маълум қилди.
Унга кўра, ҳалок бўлганлар Судан фуқаролари бўлган. Яна бир неча киши жароҳат олган. Карвон 15 юк машинасидан иборат бўлиб, Порт-Судандан тўқнашув ва очарчилик ҳукм сураётган Эл-Фашерга гуманитар ёрдам етказаётган эди.
Дюжаррикнинг айтишича, дрон томонидан амалга оширилгани тахмин қилинган ҳужумда бир нечта автомобиль ёқиб юборилган ва йўқ қилинган.
“Биз тирик қолиш ёқасида турган болалар ва оилаларга ўз ҳаётларини хавф остига қўйган гуманитар ходимларга қилинган бу даҳшатли ҳужумни кескин қоралаймиз”, деди у.
Ҳужум ортида ким тургани ҳали аниқланмаган. БМТ зудлик билан тергов ўтказишга, айбдорларни жавобгарликка тортишга ва Суданда ҳам, дунёнинг барча муҳтож минтақаларида ҳам гуманитар миссияларига қарши зўравонликни тўхтатишга чақиради, деб хабар беради aa.com.tr.
