Суперлига ташкил этилди, лекин у яшаб кета оладими?

    Кеча Европада Испаниянинг  “Реал”, “Барселона”, “Атлетико”, Италиянинг “Милан”, “Интер”, “Ювентус” ва Англиянинг “Арсенал”, “Челси”, “Ливерпул”, “Манчестер Сити”, “Манчестер Юнайтед” ва “Тоттенҳэм” клублари Суперлига ташкил этилганини эълон қилишди.

    Суперлига ташкилотчиларининг фикрича янги турнирнинг формати қуйидагича бўлади: мусобақада 20та клуб қатнашади – 15та таъсисчи клуб ва мавсумдаги натижаларига кўра қўшиладиган яна 5 жамоа.

    Жамоалар 10тадан бўлиб, икки гуруҳга бўлинади ва уй-сафар тизимида ўйин ўтказади. Ҳар бир гуруҳдан 3тадан энг яхши жамоа чоракфиналга чиқади. Тўртинчи ва бешинчи ўринни эгаллаган клублар қўшимча икки ўйиндан иборат плей-оффда беллашади. Чорак финал ва ярим финал баҳслари уй-сафар тизимида, финал нейтрал майдонда ўтказилади. Ўйинлар ҳар ҳафта бўлиб ўтади.

    Турнир август ойи ўрталарида бошланиши режалаштирилган.

    УЕФА Суперлига тузилишини қабул қилмаслигини, бу мусобақада ўйнайдиганлар Европа ва жаҳон миқёсидаги турнирлардан дисквалификация қилиниши мумкинлигини маълум қилди.

    Шуниннгдек, ФИФА ҳам Европанинг топ-клублари томонидан ташкил этилган Суперлигага ўз муносабатини билдирди. ФИФА баёнотида шундай дейилган:

    “ФИФА адолатли тақсимот моделига қатъий содиқдир. Чунки жаҳон миқёсида футболни ривожлантириш ташкилотнинг асосий вазифаси ҳисобланади.

    Низомга мувофиқ, ҳар қандай миллий, минтақавий ва глобал миқёсдаги футбол турнирлари доим молиявий тақсимотнинг асосий тамойилларини акс эттириши керак.

    Шундай қилиб, ФИФА халқаро футбол тузилмаларидан ташқаридаги “Европанинг ёпиқ лигаси”га норозилигини билдиради.

    ФИФА доим жаҳон футболидаги бирдамликни қўллаб-қувватлайди ва қизғин муҳокамаларда иштирок этаётган томонларни мувозанатли мулоқотга чорлайди”.

    Хуллас, Суперлига расман тузилди, аммо у яшаб кета оладими? Бу ёғини яқин келажак кўрсатади.

    No date selected
    март, 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates