Унинг биринчи шеърий тўплами «Кўнглим менинг» номи билан 1975 йилда нашр бўлган. Шундан сўнг «Олчамнинг туғилган куни», «Йўлларингга муштоқман», «Ипак гиламлар», «Ҳазилкаш шоҳ» каби шеърий ва драматик асарлари, тўпламлари чоп этилган.

Ҳайдар Муҳаммаднинг «Хотинлар «гап»идан чиққан ҳангома», «Сабъаи сайёр» (Навоий достони асосида), «Ҳазилкаш шоҳ», «Сеҳргар ва айёр», «Жиноят устида ушлансин», «Элёр ботир» каби драма ва комедиялари Ҳамза номидаги Ўзбек давлат академик драма театри, Муқимий номли республика мусиқали театри, вилоят театрларида саҳналаштирилган.

«Хотинлар «гап»идан чиққан ҳангома» комедияси асосида суратга олинган «Темир эркак» фильми республикада энг кўп томошабин кўрган асарлардан биридир.

“Дўстлик” ордени билан тақдирланган.