Истанбул шаҳрида Евросиё театрлари ассоциацияси томонидан «Тунжер Жужен ўғли театр кунлари» халқаро илмий-амалий анжумани ташкил қилинди. Унда Россия, Грузия, Озарбайжон, Тожикистон ва бошқа давлатлардан театршунослар ва мутахассислар иштирок этди.
Хусусан, нуфузли тадбирда «Тунжер Жужен ўғли асарлари Ўзбекистон театрлари саҳналарида» номли илмий маъруза билан Ўзбекистондан санъатшунослик фанлари номзоди Ойбек Вейсал ўғли Копадзе ҳамда Каттақўрғон шаҳар драма театри директори Ботир Тугалов қатнашди. Aнжуман доирасида бир қатор таниқли театр мутахассислари билан халқаро лойиҳаларни амалга ошириш юзасидан келишиб олинди, деб хабар бермоқда Маданият вазирлиги матбуот хизмати.
