Олимпия ўйинларининг Токиода ўтишини ёқлаб овоз берганларнинг 31,1 фоизи мусобақалар қисқартирилган ҳолда, 15,2 фоизи эса белгиланган тартибда, тантанавор олимпиадани кўриш истагида.
Япониянинг энг машҳур NHK телекомпаниясининг олимпия ўйинларининг ҳомийлари ўртасидаги сўровда эса ишбилармонлар «Токио-2020» ташкилий қўмитаси билан 2021 йил олимпия ўйинлари учун шартномалар имзолашга шошмаётганини айтган.
Экспертлар фикрича, жорий йилнинг 5 июлида Токио шаҳри губернаторлиги учун ўтказиладиган сайлов натижалари барчасига ойдинлик киритади. Боиси, амалдаги Токио губернатори Юрико Койке 5 июлда бўладиган сайловнинг иккинчи турида ғолиб чиқса, 2021 йилга қолдирилган олимпия ўйинлари қандай кўринишда бўлсада ўтказилади.
Лекин унинг рақиби Таро Ямамотонинг қўли баланд келса, Токио олимпиадаси барча учун армон бўлиб қолиши бегумон. Зотан, Ямамото бу ҳақда ўз чиқишларида бот-бот таъкидлаб келмоқда.
Тўлқин РЎЗИЕВ.
