Мазкур видеотасвир юзасидан Тошкент шаҳар ИИББ маълумот берди.
Аниқланишича, шу йилнинг 20 март кунига ўтар кечаси тахминан соат 01.25 ларда, 24 март куни тахминан соат 21.10 ларда ва 25 март куни тахминан соат 22.10 ларда бир неча фуқаро Учтепа тумани “Давлатобод” маҳалласидаги хонадонлардан бирининг олдида нарсаларни қидириб топган.
Олиб борилган ўрганишлар жараёнида 28 нафар фуқаронинг шахси аниқланган. Улар ўз кўрсатмаларида шу ҳудудда яширилган (“закладка”) гиёҳванд моддаларни интернет орқали берилган локация ёрдамида қидириб топганини маълум қилишган.
Мазкур ҳолат юзасидан Учтепа тумани ИИО ФМБ томонидан терговга қадар текширув ўтказилмоқда. Текширув якуни бўйича қонуний қарор қабул қилиниши таъминланади.
