Учрашувдан асосий мақсад – Япониянинг йирик компаниялари билан янги инвестиция лойиҳаларини муҳокама этиш ва ҳамкорлик ишларини янада кенгайтиришга қаратилган.
Томонлар ахборот технологиялари соҳасида Ўзбекистон ва Япония ўртасида ҳамкорликни ривожлантириш бўйича улкан салоҳият мавжудлиги ҳамда бу борада барча саъй-ҳаракатларни сафарбар этишга тайёр эканликларини билдирдилар.
Учрашув давомида икки томонлама манфаатли истиқболли йўналишлар, жумладан, АКТ масалаларида тажриба алмашиш, ҳамкорликни кенгайтириш ва бошқа муҳим масалалар муҳокама этилди.
Учрашув якунида Ўзбекистонда ахборот-телекоммуникация технологияларини жадал ривожлантириш бўйича ҳукумат томонидан белгиланган устувор вазифаларни амалга оширишга қаратилган қўшма лойиҳаларни давом эттиришга келишилди, деб хабар беради Ахборот технологиялари ва коммуникацияларини ривожлантириш вазирлиги матбуот хизмати.