АҚШ Президенти Доналд Трамп мамлакатда коронавирусга қарши тайёрланган чет эл вакцинасини қўллашга тайёр эканлигини маълум қилди. Оқ уй матбуот котиби Кейли Макинани брифингда Америка раҳбарининг иш берадиган вакцинага эга бўлиш ҳақидаги фикрини келтирди. «Мени қайси мамлакатдан эканлиги қизиқтирмайди. Мен улар қаршисида шляпамни ечаман», — деди Трамп. Макинани сўзларига қараганда, ҳозирги вақтда АҚШда COVID-19га қарши учта вакцина синовларнинг учинчи, якуний босқичида турибди.
Ўтган ҳафтада Трамп Қўшма Штатларнинг коронавирусга қарши вакцинасини октябрь ойида тарқатишни бошлашини маълум қилганди. Бу эса АҚШ касалликлар назорати ва профилактикаси бўйича Марказ (CDC) жадвалига зиддир. Сиёсатчи апрелда уларда «ҳар бир америкаликка тарқатишга» етарли даражада вакцина бўлади, — деди. CDC раҳбари Роберт Редфилд ўз ўрнида вакцина 20201 йил баҳори ёки ёзида кенг оммага етарли бўлишини таъкидлади. Энг аввало «Американинг энг ёрдамга муҳтож кишилари — тиббиёт ходимлари ва қариялар» эмланади. Редфилднинг сўзларига кўра, бутун Америка халқини эмлаш учун «олти-тўққиз» ой вақт керак бўлади. АҚШ эса «нормал ҳаётни» келгуси йилнинг учинчи чорагига яқин тиклай олиши мумкин.
АҚШ озиқ-овқатлар ва тиббиёт воситалари сифати устидан санитар назорати бошқармаси (FDA) вакцина ишлаб чиқарувчилардан сўнги клиник синов иштирокчиларини улар иккинчи, яъни сўнги марта эмлангандан кейин камида икки ой давомида кузатишини сўраяпти. Экспертларнинг фикрича, бу янги талаб АҚШда оммавий эмлашни энг яқин вақтда амалга ошириш эҳтимолини камайтиради, деб хабар беради Российская газета.
