Қайд этилишича, 25 август куни кечқурун вазир Х ижтимоий тармоғида пойтахт Анқара яқинидаги катта йўл бўйлаб кетиб, халқ қўшиқлари ва Президент Режеп Таййип Эрдоған нутқидан парчаларни тинглаётгани акс этган видеони жойлаштирган.

Спидометр тасодифан кўринган бир нечта алоҳида кадрларда у автомошинада соатига 190 дан 225 километр тезликда ҳаракатлангани қайд этилган. Туркиядаги ушбу трассада тезлик чегараси 140 соатига километрни ташкил қилади.

Кейинроқ Уралўғлу тезликни оширгани учун жаримага тортилганини тан олиб, видеони қайта жойлади. Унинг таъкидлашича, видеони жойлаштириш орқали у ўзининг қоида бузганини ошкор қилган.

“Мен Анқара-Нигде автомагистралини текшириш учун рулга ўтирдим ва тасодифан қисқа вақт ичида тезликни меъёрдандан оширдим. Видеом билан қоидани бузаганимни ошкор қилдим”, деб ёзди у.

У эълон қилган жарима хабарномасининг нусхаси унинг соатига 225 тезликда ҳаракатланганини ва 9267 турк лираси (225 АҚШ доллари) миқдорида жаримага тортилганини тасдиқлайди.

Вазир эҳтиётроқ бўлишга ваъда берди ва белгиланган тезликка амал қилиш ҳамма учун мажбурий эканлигини таъкидлади, деб хабар берди korrespondent.net.