Лойиҳа компания томонидан Ўзбекистон Республикаси Энергетика вазирлиги билан имзоланган шартнома асосида амалга оширилади, деб хабар беради “Дунё” АА мухбири.
COVID-19 глобал пандемиясидан келиб чиққан баъзи бир қийинчиликларга қарамай, компания станция қурилишини бир йилда якунлаш ниятида. Ишни тезлаштириш учун компаниянинг баъзи мутахассисларини бошқа мамлакатлардан Ўзбекистонга жалб этиш режалаштирилган.
Лойиҳа “Давлат хусусий шериклик” замонавий инвестиция модели асосида амалга оширилади. Aksa Energiya 25 йил давомида электр станциясини қуради ва ишлайди, Ўзбекистон томони эса станцияни табиий газ билан таъминлаш ва у ишлаб чиқараётган электр энергиясини сотиб олиш кафолатини ўз зиммасига олди.
Ушбу компания электр станциялари ишлаб чиқариш бозорида дунёдаги етакчилардан бири бўлиб, ўз маҳсулотини 165 мамлакатга экспорт қилади. Истамбул (Туркия) ва Чангжоу (Хитой) да жойлашган ўз заводларида генератор тўпламларини ишлаб чиқаради.
Таъкидлаш жоизки, AKSA Power Generation xolding ("AKSA Jenerator Sanayi A.S.") AKSA маҳсулотларининг Ўзбекистондаги расмий ваколатхонаси ва эксклюзив дистрибютори - AKSA POWER МЧЖни очди. Компаниянинг барча маҳсулотлари сифат сертификатига эга. Ва компаниянинг ўзи ISO 9001 сифат менежменти тизимига мувофиқлиги учун сертификатланган.
