Қуръа натижаларига кўра, «А» гуруҳидан Саудия Арабистони (мусобақа мезбони), Вьетнам, Иордания, Қирғиз Республикаси жой олди. Япония, Қатар, БАА ва Сурия эса «B» гуруҳида ўзаро беллашади.
Ўзбекистон U-23 жамоаси C гуруҳидан жой олди. Шунингдек, ушбу квартетда Жанубий Корея, Эрон ва Ливан жамоалари номи қайд этилган.
«D» гуруҳида Ироқ, Австралия, Таиланд ва Хитойнинг U-23 жамоалари курашади.
Ўзбекистон U-23 терма жамоаси Осиё кубогидаги иштирокини Ливанга қарши учрашув билан бошлайди. Мусобақа 2026 йилнинг 7-25 январь кунлари Саудия Арабистонида бўлиб ўтади.
