Бу ҳақда бугун «Уфа» футбол клуби сайтида маълумот тарқатилди.
Футбол мухлислари ўртасида ўтказилган суров натижаларига кўра, Урунов 30,2 фоиз овоз олган. Ўзбекистонлик футболчидан кейинги ўринларни эса Данил Фомин(14,3), Александр Беленов(10,4) эгаллаган.
«Уфа» футбол клубининг таъсисчилар кенгаши раиси Ростислав Мурзагуловнинг “Sport24” мухбирига берган интервьюсида айтишича, ўзбекистонлик 19 ёшли Урунов ҳозирда «Уфа» жамоаси аъзолари билан ўтказилаётган машғулотларда қатнашмоқда.
Унинг «Спартак»ка ўтиш ёки ўтмаслик масаласи ҳозирча очиқ турибди.
Тўлқин РЎЗИЕВ.