Суратнинг эскизи (тахминан 1888 йилда яратилган) 10 436 000 долларга баҳолангани аниқланди.
“Техник жиҳатдан инновацион, берилган урғу, чизиқ ва нуқталар диапазони билан ушбу портрет картина моҳиятини акс эттиради”, дейилади хабарда.
Art Newspaper газетасининг аниқлик киритишича, эскиз 10,4 миллион долларга сотилган. Бу Ван Гог расмлари учун ким ошди савдосидаги рекорд миқдор эканлиги таъкидланди.
Ван Гог ушбу расмни 1888 йил ёзида Франциянинг Aрль шаҳрида (Прованс) яратган ва уни дастлаб “Жанубий Япония” деб атаган. Расмда 12 - 14 ёш атрофидаги қиз тасвирланган.