Кеча юнон-рум курашчимиз Арам Варданян Сербияда ўтаётган спорт курашлари бўйича жаҳон чемпионатида -77 кг вазн тоифасида бронза медали учун баҳсда япониялик Нао Кусакага имкониятни бой берди. Сўнг Олимпиада йўлланмаси учун қозоғистонлик Демеу Жадираевга қарши курашда ғалаба қозонди ва тўрт йилликнинг энг нуфузли мусобақаси иштирокчисига айланди.

Арам Олимпиада йўлланмаси эга бўлган ўзбекистонлик учинчи спортчи. Унгача гимнастикачи Тахмина Икромова ҳамда эркин курашчи Жаброил Шапиев “Париж-2024”да иштирок этиш ҳуқуқини қўлга киритган эди.