Хорижий ОАВ маълумотларига кўра, шу ҳафтада Польша пойтахтининг Таргувек туманидаги М2 йўналишидаги Kondratowicza бекатида очилган замонавий Metroteka катталар ва болалар учун иккита китобхонлик майдони, шунингдек, оммавий ўқиш ва тадбирлар учун жой тақдим этади.
150 квадрат метр майдонда 16 000 га яқин китоблар мавжуд бўлиб, уларни контактсиз чиплар ёрдамида “экспресс” кассадан олиш мумкин. Ўқувчилар китобларни ўз жойига ёки ташқарида жойлашган 24 соатлик китоб тушириш қутисига қайтаришлари мумкин.
Ташриф буюрувчилар умумий майдонда ўқишлари ёки ишлашлари, интернетдан фойдаланиш учун ноутбукни қарзга олишлари ёки метрода тиғиз пайтдаги чарчоқларни чиқариш учун бепул қаҳва ёки иссиқ шоколад олиб, ўтириб ичишлари мумкин.
Биринчи куни 400 дан ортиқ китоблар, жумладан мактаб адабиётлари, саёҳат бўйича қўлланмалар ва барча турдаги қўлланмалар тарқатилди.
Польша Миллий кутубхонаси томонидан ўтказиладиган йиллик сўров шуни кўрсатдики, респондентларнинг атиги 41 фоизи сўнгги йилда камида битта китоб ўқиган, бу 1990-йилларнинг охири ва 2000-йилларнинг бошидаги 50 фоиздан кўпроққа камайган, чунки одамлар ўз вақтини телевизор, стриминг сервис ва телефонларга сарфламоқда, деб хабар берди azertag.az.
