баннер
Сайт тест режимида ишламоқда
Лого Лого-пв-уз

    Ватан - она бўлса

    Маданият 17 октябр 2020 107

    Яратганнинг инояти-ла,

    Туғилгайдир ҳар битта гўдак.

    Ва кўксида, айтишларича –

    Урар экан бемиллат юрак!

     

    Унда ҳали тил йўқ сўзлашга,

    Ингранади гоҳи безабон.

    Соч толадек томирларида

    Оқар фақат бобомерос қон.

     

    Туғилибоқ ёруғ дунёнинг

    Нурларидан қамашиб кўзи.

    Онасининг қайноқ бағридан

    Паноҳ излаб топади ўзи.

     

    Томир отар эгалик ҳисси –

    Эмар экан меҳр ва оқ сут.

    Шу лаҳзадан боргайдир ўсиб –

    Юрагида Ватаний мақсуд.

     

    Ва бошланар ширин бир хониш,

    Киприклари туташган палла.

    Бошлаб берар мурғак уйғониш –

    Ухлатмоққа айтилган алла.

     

    Она тилда Она тилидан –

    Юрагига қўшиқ қуйилар.

    Мурғаккина тасаввурида

    Ҳаёт ҳикмат бўлиб туюлар.

     

    Юрт ишқига юрагинг тўлса,

    Тупроғини ўпиб, тавоф қил.

    Ўзбекистон Онамиз бўлса –

    Оқ сутидир Ўзбекона тил!

     

       Ориф ТЎХТАШ

     2020 йил, 17 октябрь

    No date selected
    October 2020
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates