Андижон вилоятининг Қўрғонтепа тумани кейинги йилларда шиддат билан ривожланаётгани бу ерда олиб борилаётган катта-катта лойиҳалар кўламидан ҳам кўзга ташланяпти. Туманда аҳоли учун керакли маиший хизмат шоҳобчаларидан тортиб йирик кластерларгача барпо этиляптики, бундай ўзгаришлар бандликни таъминлашда ҳам муҳим омил бўляпти.
Шу маънода туманга кўплаб ОАВ вакиллари, турли соҳа мутасаддилари бориб, ижтимоий-иқтисодий соҳадаги ютуқларни эътироф этяпти. Куни кеча туманга Ўзбекистон Республикаси Ахборот технологиялари ва коммуникацияларини ривожлантириш вазири Шерзод Шерматов Қўрғонтепа туманидаги “BPO” логистика марказини ишга тушириш жараёнлари билан танишди.
Вазир бошчилигида туман раҳбарлари ва Андижон вилояти Ахборот технологиялари парки директори иштирокида ажратилган бино, қурилмалар бўйича таъминот ҳамда ишчи ходимларга яратилиши режалаштирилган шароитлар ўз жойида кўриб чиқилди, деб ёзмоқда туман ҳокимлиги матбуот хизмати.
