Мазкур алоқаларни янада ривожлантириш мақсадида жорий йилнинг 17 май куни Наманган ва Витебск вилоятлари ўртасида видеоконференция мулоқоти ташкил этилди. Ушбу мулоқотда пандемия шароитида ва ундан сўнг икки томонлама савдо ва инвестициявий алоқаларни янги босқичга олиб чиқиш бўйича бир қатор йўналишларда келишувга эришилди. Жумладан,
- Витебск вилоятида Наманган вилояти ишлаб чиқарувчиларининг савдо уйини ташкил этиш;
- Маҳаллий тадбиркорларнинг маҳсулотларининг сотувини йўлга қўйиш;
- Икки ҳудудлар ўртасида туризмни ривожлантириш;
- Наманган вилояти ва Витебск вилояти эркин иқтисодий зоналари ҳамкорлигини ташкил этиш.
Учрашув якунида юқорида эришилган келишувларнинг ижросини таъминлаш бўйича яқин кунларда учрашув ташкил этишга келишиб олинди.