Самарқанд вилояти Нарпай туманида истиқомат қилувчи 2006 й.т., вояга етмаган И.С., ИИБга ариза билан мурожаат қилиб, унинг бошқаларга кўрсата олмайдиган ҳолатдаги видеосини номаълум шахс интернет тармоғига тарқатиб юбориб, унинг шаъни ва қадр қимматини таҳқирлаганлигини билдириб, унга нисбатан қонуний чора кўришликни сўраган.
Олиб борилган тезкор-қидирув тадбирлари давомида ушбу видеони тарқатган шахс жабрланувчига олдиндан таниш бўлган, Нарпай тумани Оқтош шаҳарчасида яшовчи, 2003 й.т., Т.Ғ. эканлиги аниқланган.
Мазкур ҳолат юзасидан Нарпай туман ИИБ ҳузуридаги ТБ томонидан Ўз.Р. ЖКнинг 140-моддаси 2-қисми билан жиноят иши қўзғатилиб, тергов харакатлари олиб борилган.