Ҳужжатга қўра:
➖ 2022 йилдан бошлаб ҳар икки йилда бир марта сентябрь ойида Халқаро кулолчилик форуми ва кўргазма-савдосини ўтказиш белгиланмоқда;
➖ Форум Қўқон шаҳрида ҳар икки йилда бир марта сентябрь ойида ўтказиладиган Халқаро ҳунармандчилик фестивали билан уйғун ҳолда ўтказилади. Дастлабки Форум Фарғона вилоятининг Риштон туманида ташкил этилади;
➖ Форум доирасида “Анъанавий кулолчиликни сақлаш ва уни ривожлантириш: муаммо ва ечимлар” мавзусида илмий-амалий конференция ва бошқа тадбирлар ташкил этилади;
➖ Форум ҳамда Ўзбекистон Президенти қарорлари билан ташкил этилган бошқа халқаро маданий тадбирлар доирасида:
2022 йил 1 мартга қадар қадар Форум расмий веб-сайти ишга туширилади, жумладан унда ҳунармандчилик маҳсулотлари ва бошқа эсдалик совғалари реализациясини ташкил этиш имконияти яратилади;
музей дўконлари, эсдалик совғалари савдо тармоқларининг вакиллари ва халқаро харидорлар, машҳур коллекционерлар тадбирларга таклиф этилади;
хорижга олиб чиқиб кетиш учун бадиий экспертизадан ўтказилиши талаб этиладиган ҳунармандчилик маҳсулотлари ва бошқа эсдалик совғалари улар сотиб олинган кунда тадбирлар ўтказилаётган жойнинг ўзида тўлов ундирилмасдан бадиий экспертизадан ўтказилади.
