Ушбу рейтингда Samsung етакчилик қилмоқда. Бозорнинг 19 фоиз улуши ушбу компания смартфонлари ҳиссасига тўғри келмоқда. Xiaomiда эса ушбу кўрсаткич 17 фоизни ташкил этади. Учинчи ўринга тушиб кетган Appleнинг иккинчи чоракдаги кўрсаткичлари 14 фоизга етди.
Шунингдек, кучли бешликдан Хитойнинг BBK Electronics концерни таркибига кирувчи Oppo ва Vivo брендлари ҳам ўрин олган. Уларнинг улуши 10 фоиздан.
Таҳлилчиларнинг таъкидлашича, 2021 йилнинг иккинчи чорагида жаҳон смартфонлар бозорининг ҳажми 12 фоизга ўсган. Бу истеъмолчиларнинг коронавирус пандемияси сабаб юзага келган шок ҳолатидан нормал ҳаёт тарзига қайтаётгани билан изоҳланади.
Айниқса, Xiaomi ўз бизнесини фаол ривожлантирмоқда. Компаниянинг Жанубий Америкага смартфонлар етказиб бериши 300 фоизга, Африкага — 150 фоизга, Ғарбий Европага — 50 фоизга ошган.
Эслатиб ўтамиз, 2021 йилнинг дастлабки уч ойи ичида дунё бўйича энг кўп смартфон сотган компаниялар рейтингида ҳам Жанубий Кореянинг Samsung компанияси етакчилик қилган эди.
