Россия Федерациясининг кўплаб иш берувчи корхоналари вакиллари мамлакатимизнинг турли ҳудудларида бўлиб, фуқаролар билан суҳбат ўтказмоқда.
Суҳбатлардан муваффақиятли ўтган фуқаролардан Россия Федерациясининг “ПИК Индустрия” акциядорлик жамиятида ишлаш учун 52 нафари, “ПСП” масъулияти чекланган жамиятида ишлашга 198 нафари Тошкент халқаро аэропорти орқали учиб кетди.
Россияда ишлаш учун кетаётган юртдошларимизга аэропортда тегишли тушунтиришлар берилиб, меҳнат мигрантлари ҳуқуқ ва манфаатларини ҳимоя қилиш юзасидан материаллар тарқатилди.
Юртдошларимиз белгиланган эпидемиологик талаблар ва карантин чекловларига риоя қилган ҳолда турли объектларда иш бошлайди.
