Навоий вилояти ҳокимига кўра, келгуси йилда «Янги Ўзбекистон» массивини қуриш учун Кармана туманининг «Дўстлик» МФЙ ҳудудидан 21 гектар ҳамда Қизилтепа туманининг «Маликобод» МФЙ ҳудудидан 20 гектар ер майдони танлаб олинган.
▪️Кармана тумани «Дўстлик» МФЙ ҳудудидаги массив бўйича 2022-2026 йилларда 1 080 хонадонли жами 54 та 5 қаватли турар-жой биноси қурилиши режалаштирилган. Шундан, 2022 йилда 20 та 5 қаватли 400 хонадонли уй-жой қурилади. Ушбу массивда 1 та 1056 ўринли мактаб, 120 ўринли мактабгача таълим ташкилоти ҳамда 100 қатновли оилавий поликлиника биноси барпо этилади.
▪️Қизилтепа тумани «Маликобод» МФЙ ҳудудида 2022-2026 йилларда 1 060 хонадонли жами 53 та 5 қаватли турар-жой биноси қурилади. Шундан 2022 йилда 10 та 5 қаватли 200 хонадонли уй-жой қурилиши белгиланган. Шунингдек, 990 ўринли мактаб, 120 ўринли боғча ҳамда 100 қатновли оилавий поликлиника қурилади
