Бу ҳақда Хоразм вилояти Янгибозор тумани ҳокимлиги матбуот хизмати хабар беришича, Ёшлар марказининг очилиш маросимида сўзга чиққан туман ҳокими Ўктам Қурбонов давлатимиз раҳбарининг ёшларга алоҳида меҳр-эътибори туфайли мамлакатимиз ёшлари ҳар томонлама соғлом ва бахтли вояга етаётгани, янги Ўзбекистон ёшларига дунёдаги тенгдошлари ҳам ҳавас қилаётганини таъкидлаган.
Марказ ёшларнинг ташаббус ва ғояларини бирлаштириш, янги лойиҳалар тайёрлаш, йигит-қизларни тадбиркорликка ўргатиш, ўзаро муҳокамалар майдони яратиш, турли соҳаларда маҳорат дарсларини ўтиш учун севимли масканга айланишига ишонч билдирилмоқда.