Япония банклари “Ўзбектелеком”га қарийб 150 миллион АҚШ доллари миқдорида молиявий кўмак беради

    Япониянинг оммабоп «Nikkei Shimbun» газетасида «Япония банклари «Ўзбектелеком» АКга молиявий кўмак беради» сарлавҳали мақола эълон қилди.

    «Япония халқаро ҳамкорлик банки (JBIC) ва «Mitsubishi UFJ» банки «Ўзбектелеком» АКга қарийб 19,3 миллиард иен (150 миллион АҚШ доллари) миқдорида молиявий ёрдам кўрсатади, - деб ёзади газета. - Маблағлар Ўзбекистонда ахборот-коммуникация инфратузилмасини ривожлантириш учун япон ускуналарини харид қилишга йўналтирилади.

    JBIC икки давлат ўртасидаги ҳукуматлараро алоқаларни мустаҳкамлаш ва молиялаштириш орқали Япония маҳсулотлари экспорти ҳажмини оширишга кўмаклашиш ниятида”.

    Мақолада айтилишича, ушбу лойиҳанинг оператори Япониянинг «Toйота цушё» савдо компанияси бўлиб, у орқали Япониянинг ахборот-коммуникация компаниялари ва ишлаб чиқарувчиларининг ускуналари Ўзбекистонга экспорт қилинади.

    Қайд этилишича, «Ўзбектелеком» Ўзбекистонда дата-марказ яратиш ва ахборот-коммуникация тармоқларини ривожлантиришни режалаштирмоқда. Япония компаниялари ускуналар етказиб беришдан ташқари техник ёрдам ҳам кўрсатади.

    «JBIC» Ўзбекистон томонига умумий молиявий ресурсларнинг қарийб 60 фоизини тақдим этади. «Mitsubishi UFJ» банки томонидан молиялаштирилаётган маблағларнинг бир қисми хавфларни камайтириш учун «NEXI» давлат экспорт-кредит агентлиги томонидан суғурта қилинади», деб ёзган «Nikkei Shimbun».

    No date selected
    март, 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates