Япония Бош вазири Сигэру Исиба 7 сентябрь, якшанба куни Япониянинг ҳукмрон Либерал-демократик партияси (ЛДП) раиси лавозимини тарк этишини маълум қилди. Бу унинг мамлакат ҳукумати раҳбари лавозимини тарк этаётганини ҳам билдиради.
AP агентлигининг хабар беришича, Япония ҳукумати раҳбари ўз партиясининг июль ойида бўлиб ўтган парламент сайловларидаги тарихий мағлубияти учун масъулиятни ўз зиммасига олишга чақириқлар фонида ўз лавозимини тарк этишга қарор қилган. Ўшанда Исиба бошчилигидаги коалиция Япония парламентининг юқори палатасида кўпчилик ўринни йўқотган эди, деб хабар берди dw.com.
