Япония умумтаълим мактаблари ўқувчиларига (9-12 синфлар учун) мўлжалланган «Жаҳон тарихи» фани ўқув қўлланмасининг муқоваси Самарқанднинг жаҳонга машҳур «Регистон» майдонида жойлашган «Шердор» мадрасаси сурати билан безатилди, деб хабар бермоқда «Дунё» АА.
Ушбу ўқув қўлланма Япониянинг йирик «Yamakawa Shuppansha Ltd.» ноширлик-уйи томонидан чоп этилди. Жорий йилнинг апрель ойидан бошланадиган янги ўқув йилида ундан тарих фанидан қўлланма сифатида фойдаланилиши режалаштирилган.
