Вазир разведка маълумотлари ва жамоатчилик баҳоларини келтирди. “Буни тўхтатиш керак. Ҳозир ҳам тўртта объектдаги центрифугалар ядровий материал ишлаб чиқаришда давом этмоқда”, деди у. Ечим сифатида Чон Дон Ён КХДР ва АҚШ ўртасида ядросизланиш бўйича мулоқотни қайта бошлашни таклиф қилди.
Аввалроқ КХДР етакчиси Ким Чен Ин унинг мамлакати ядро қуролидан воз кечиш ниятида эмаслигини яна бир бор таъкидлаган эди. У агар Америка томони денуклеаризацияга интилишдан воз кечса, Вашингтон билан мулоқот қилиш мумкинлигини маълум қилди.
Корея Республикаси Президенти Ли Чжэ Мён БМТ Бош Ассамблеясида сўзга чиқиб, ядровий дастурни музлатиш, арсенални қисқартириш ва ядровий қуролдан бутунлай воз кечишни назарда тутувчи уч босқичли ядросизланиш стратегиясини қўллаб-қувватлашини яна бир бор таъкидлади. Шунингдек, у “Корея ярим оролида совуқ урушни тугатиш” учун “алмашинув, нормаллаштириш ва ядросизланиш” концепциясини таклиф қилди, деб хабар берди tass.ru.
