Тожикистон атроф-муҳитни муҳофаза қилиш қўмитаси раиси Баҳодир Шерализодага кўра, Ўрта Осиё дарё ҳавзаларида музликлар эриши билан боғлиқ энг юқори хавф Зарафшон дарёсида.
"Зерафшон" метеорологик кузатув станция маълумотларига таянадиган бўлсак, Зарафшон дарё ҳавзасидаги вазият бошқа дарё ҳавзаларидаги вазиятдан кўра хавотирлироқ.
Тожикистонда музликлар майдони 8476 кв км бўлиб, мамлакатнинг 6% қисмини эгаллайди. Зерафшон музлиги майдони 132.6 кв км. У 4000 метрдан 5200 метргача баландликда жойлашган.
Энг оптимистик прогнозларга кўра, музликларнинг шиддат билан эриши туфайли, 2050 йилга бориб, Амударё йиллик оқимининг 15 % ини йўқотади. Зарафшон дарёсида эса бу кўрсаткич ундан ҳам юқори.
