Барча ўқувчилар эшитиш қобилияти диагностикасидан ўтказилди, унинг натижаларига кўра мактабга 204 та эшитиш аппарати ажратилади ва кохлеар имплантациялар ўтказилади. Шу йўл билан, болалар учун таълим ва ҳаётни идрок этиш сифати сезиларли даражада яхшиланади.

Нукус шаҳридаги мактаб билан бир қаторда Андижон, Бухоро, Жиззах, Наманган ва Фарғона вилоятларидаги яна 7 та ихтисослаштирилган мактаб-интернатлар ёрдамчи ускуналар билан таъминланади.