Шу муносабат билан бугун Жиззах вилояти Ҳамид Олимжон ва Зулфия номидаги ижод мактабида Зулфия ижоди ва адабий-бадиий меросининг халқаро аҳамияти мавзусида халқаро илмий-амалий анжуман бўлиб ўтди.

Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш Агентлиги ташаббуси билан ташкил этилган мазкур анжуманда Президент, ижод ва ихтисослаштирилган мактабларни ривожлантириш Агентлиги раҳбари Ҳилола Умарова, Жиззах вилоят ҳокими Эргаш Солиев ҳамда Ўзбекистон Ёзувчилар уюшмаси аъзолари иштирок этди. Ҳамид Олимжон ва Зулфия ҳайкали пойига гулчамбар қўйиш маросими билан бошланган тадбир бу икки етук ижодкорнинг музей ҳамда ижод мактабларига саёҳат билан давом эттирилди.