Бұл форум Өзбекстанның cаяхатшылық әлеуетін Қытайда насихаттау және Өзбекстан-Қытай туризм өнеркәсібі өкілдері арасындағы іскерлік қарым-қатынастарды нығайтуға арналды.
Бизнес-форум Өзбекстанның «Prestige Travel» компаниясы мен Қытайдың «Hainan Weidu international travel CO LTD» компаниясының бастамасымен Туризм комитетімен ынтымақтастықта ұйымдастырылды. Оған Өзбекстан мен Қытайдың мемлекеттік және жеке секторларының өкілдері, сонымен қатар үкімет өкілдері, бизнес жетекшілері мен инвесторлары, екі елдің жетекші қонақ үй брендтері мен туристік компанияларының басшылары қатысты.
«Өткен жылы Өзбекстанға Қытай Халық Республикасынан 45 мыңға жуық турист келсе, биыл бұл көрсеткіш бірнеше есеге артады деп күтілуде. Өзбекстан мен Қытай арасындағы туризм саласындағы екіжақты қарым-қатынастарымыздың орны ерекше.
Айта кету керек, Қытай мемлекетінде еліміздің тарихи жерлерін, бай мәдени мұрасын, әсем табиғатын жақынан танысу мақсатында болғандар саны артып келеді. Бұл саяхатшыларды екіжақты алмасу үшін тиімді», - дейді “Hainan Weidu international travel CO LTD” компаниясының басшысы Хе Жин.
«Еліміздің тұрғындары үшін қолжетімді тур-пакеттерді әзірлеу және олардың сапалы саяхаттарын ұйымдастыру, сондай-ақ Өзбекстанға Қытайдан келетін туристер санын күрт арттыру мақсатында жаңа жобалармен жұмыс істеп жатырмыз. Өткен жылы «Prestige Travel» тарапынан 10 мыңға жуық өзбекстандықтардың Қытайға саяхаты ұйымдастырылған еді. Сонымен қатар, мыңдаған қытайлық туристерді елімізге әкелдік. Өзбекстанда алғаш рет Мысырға, Черногорияға, Вьетнамға және бірқатар Еуропа елдеріне бірінші рет тікелей рейстер ашып, саяхатқа жол аштық», - деді “Prestige Travel” крмпаниясының негізін қалаушы Ойбек Ахмедов.
Форум барысында Өзбекстаннан Қытайдың Хайнань провинциясына тікелей әуе рейстерін ашу мәселесі талқыланды. Тараптар үстіміздегі жылдың июнь айынан бастап аптасына бір рет әуе рейсін ашуды, кейін бұл көрсеткішті 3 есеге арттыруды жоспарлап отырғандарын мәлімдеді.
Өзбекстан мен Қытай тараптарының өкілдері арасында B2B форматындағы кездесулер өтті, онда қатысушылар туризм саласының қазіргі жағдайын талқылады, Өзбекстан мен Қытай арасындағы ынтымақтастықтың жаңа мүмкіндіктерін зерделеді. Форум Өзбекстан мен Қытай саяхатшылық компаниялары арасында бірқатар келісімшарттар мен өзара түсіністік туралы меморандумдарға қол қою рәсімімен аяқталды, деп хабарлайды Туризм комитетінің баспасөз қызметі.
Биыл Өзбекстанға келетін шетелдік туристер саны 10 миллионнан асады деп күтілуде. Өзбекстанның туризм әлеуетін әлемге таныту және Шығыс Азия елдерінен келетін саяхатшылар санын арттыру мақсатында елімізде туризмнің жедел дамуына және саланың өсу қарқындарына жағдай жасалуда. Бүгінгі таңда елімізде 6 мыңға жуық орналастыру орындары жұмыс істейді, ал республика бойынша саяхатшыларды қабылдау орындарының саны 145 мыңнан асты.
Осы шараны ұйымдастыруға бастамашы болған “Prestige Travel” компаниясы 2018 жылы құрылған және осы уақытқа дейін компания Өзбекстанның жаңа бағыттарына рейстер ашуда маңызды бастамаларды қолға алып келеді.
Атап айтқанда, «Prestige Travel» компаниясы тарапынан 2018 жылы Ташкенттен Мысырдың Шарм-ал-Шайх қаласына дейін алғаш рет тікелей рейстерді ашты. Сондай-ақ, 2021 жылдың май айында Мысырдың ең ірі туризм орталықтарының бірі Хургада қаласына тікелей рейстерді ашқан болса, биыл Вьетнамның Пху-Куок аралына да жаңа бағыт ашылды. Сонымен қатар, 2022 жылдың жазында Вьетнамдағы курорттық қалалардың бірі саналатын Нха Транг қаласына тікелей рейстер қойылды.
2023 жылы «Prestige Travel» компаниясы июнь айынан бастап, Черногория мен Вьетнамның Нячанг қалалары арасында тұрақты тікелей әуе рейстері жолға қойылды.
