Бұл көлем
Боден көліндегі су қорының жартысынан көбіне немесе шамамен 10 миллион Олимпиадалық жүзу бассейніндегі
су мөлшеріне тең. Зерттеушілердің пікірінше, бұл көрсеткішке 2026 жылғы ыстық
жаздың әсері әлі толық енбеген.
Су көлемін
анықтау үшін ғалымдар жер үсті және жер асты су қорларын өлшейтін GRACE Follow-On жасанды жер
серігі миссиясының
деректерін пайдаланды.
Зерттеу
нәтижелері 2015 жылдан бері Германияда
алдыңғы 15 жылмен салыстырғанда құрғақшылықтың жиірек болғанын көрсетті.
Әсіресе жер асты суларының азаюы алаңдатады. Зерттеушілер су қорының ұзақ
мерзімді төмендеуіне негізінен осы фактор себеп болғанын атап өтті.
2024 жылы мол жауын-шашыннан кейін қысқа мерзімді жақсарудан соң су қоры қайтадан күрт
азайды. 2025 жылдың жазында су
қоры спутниктік бақылаулар басталғалы бері ең төмен деңгейге түсті.
2026 жылғы маусымда су
тапшылығы 25 миллиард тоннаға
жетті. Салыстыру үшін, Боден көлінде шамамен 48 миллиард тонна су бар.
Су қорының
азаюы әсіресе Германияның оңтүстігінде,
оңтүстік-батысында және шығысында айқын байқалды. Ал Солтүстік теңізге
жақын орналасқан солтүстік-батыс аймақтарда жағдай салыстырмалы түрде тұрақты.
Ғалымдардың
болжамынша, жауын-шашын мөлшері қалыпты деңгейден жоғары болса да, су қоры жыл соңына дейін қалпына келмеуі
мүмкін.
Жоғары
температура топырақ пен су бассейндеріндегі судың булануын күшейтеді.
Өсімдіктер де атмосфераға көбірек ылғал бөледі. Бұл факторлар су тапшылығын
одан әрі ушықтыруы мүмкін, деп хабарлады Kazinform.
