Эҳтиёжманд оилалардаги 4 минг нафар хотин-қизларга қўшимча қабул кўрсаткичлари доирасида ажратиладиган тавсияномалар бериш учун аризалар қабули бошланди.
Аризалар Ягона портал (my.gov.uz) орқали электрон шаклда қабул қилинади.
Талабгорларнинг аризалари 8-июнга қадар қабул қилинади.
Талабгорларга қуйидаги мезон асосида тавсиянома берилади:
— Ижтимоий реестрга киритилган оилаларнинг хотин-қизлари;
— тоълиқсиз оилада тарбияланаётган, яъни отаси ёки онаси ёхуд уларнинг иккаласи ҳам вафот этган ижтимоий ҳимояга муҳтож қизлар;
— турмуш оъртоғи вафот этган, вояга етмаган фарзандини ёлғиз тарбиялаётган ижтимоий ҳимояга муҳтож аёллар;
— ногиронлиги боълган фарзанди бор эҳтиёжманд оилалардаги хотин-қизлар;
— икки ва ундан ортиқ фарзандларини тарбиялаётган, бошқа қариндошларидан алоҳида (ижарада) яшаётган ижтимоий ҳимояга муҳтож ёлғиз аёлларнинг қиз фарзандлари;
— ота-оналаридан бири ёки ҳар иккиси ҳам биринчи ёки иккинчи гуруҳ ногирони боълган эҳтиёжманд оилалардаги хотин-қизлар.
