Институт мутахассисларининг фикрига кўра, бу харажатлар АҚШда камайган, аммо Европада 14 фоизга ва Осиё ва Океанияда 8,1 фоизга ошган. Ҳарбий харажатлари энг кўп учта давлат – АҚШтатлар, Хитой ва Россия – жами 1,480 триллион доллар ёки глобал умумий маблағнинг 51 фоизиини сарфлаган.
Ҳарбий харажатлар кетма-кет 11 йил давомида ошди. Унинг ЯИМдаги улуши 2,5 фоизга етди, бу 2009 йилдан бери энг юқори кўрсаткичдир. Институт мутахассисларининг таъкидлашича, йиллик 2,9 фоиз ўсиш суръати 2024 йилдаги 9,7 фоиздан сезиларли даражада паст бўлса-да, бу пасайиш асосан АҚШдаги харажатларнинг камайиши билан боғлиқ. АҚШдан ташқарида умумий харажатлар 2025 йилда 9,2 фоизга ошди. 2025 йилда ушбу кўрсаткич бўйича энг йирик бешта давлат АҚШ, Хитой, Россия, Германия ва Ҳиндистон бўлиб, улар биргаликда глобал ҳарбий харажатларнинг 58 фоизни ташкил этди, деб хабар берди tass.ru.
“Глобал ҳарбий харажатлар 2025 йилда яна ошди, чунки давлатлар яна бир йил урушлар, ноаниқлик ва геосиёсий ўзгаришларга кенг кўламли қурол-яроғ ишлаб чиқариш дастурлари билан жавоб беришди”, деб изоҳ берди SIPRIнинг ҳарбий харажатлари ва қурол-яроғ ишлаб чиқариш дастури тадқиқотчиси Сяо Лян. “Ҳозирги инқирозларнинг кўламини, шунингдек, кўплаб давлатларнинг узоқ муддатли ҳарбий харажатлар мақсадларини ҳисобга олган ҳолда, бу ўсиш 2026 йил охиригача ва ундан кейин ҳам давом этиши мумкин”.
