Айниқса, сувдаги микропластик заррачаларни камайтириш бўйича арзон, хавфсиз ва экологик тоза технологияларга эҳтиёж ортиб бормоқда.
Яқинда эълон қилинган тадқиқотларда Moringa oleifera уруғидан тайёрланган табиий экстракт сувдаги майда микропластик заррачаларни бир-бирига бириктириб, йирикроқ агрегатлар ҳосил қилишга ёрдам бериши кўрсатилди.
Бундай заррачаларни кейин фильтрация орқали сувдан ажратиш осонлашади.
Айрим лаборатория тажрибаларида муайян шароитларда микропластик заррачаларнинг 98% дан ортиғиажратилгани қайд этилган.
Бу натижа моринга уруғининг табиий коагулянт сифатида катта илмий қизиқиш уйғотаётганини кўрсатади.
Ўзбекистон учун ҳам бу йўналиш истиқболли. Сув танқислиги ва сув сифати масалалари долзарб бўлиб турган бир пайтда, моринга ва бошқа табиий коагулянтларни маҳаллий шароитда илмий асосда синаш, уларнинг самарадорлиги, хавфсизлиги ва иқтисодий мақбуллигини баҳолаш муҳим аҳамиятга эга.
Табиатда ечимлар кўп. Илм-фаннинг вазифаси уларни аниқлаш, хавфсизлигини исботлаш ва инсон манфаати учун амалий технологияга айлантиришдир.
