Дар минтақаи миллии сайёҳии «Аваза» раҳбари Ӯзбекистон дар ҳаштумин мулоқоти машваратии сарони давлатҳои Осиёи Марказӣ ва Озарбойҷон, инчунин дар нишасти навбатии Иттиҳоди Давлатҳои Мустақил иштирок мекунад.
Ба рӯзномаи мулоқоти машваратӣ масъалаҳои таҳкими минбаъдаи ҳамкориҳои сиёсиву дипломатӣ, амиқсозии робитаҳои тиҷоративу иқтисодӣ, тавсеаи ҳамкорӣ дар соҳаи энергетика, андешидани тадбирҳои муштарак оид ба ҳифзи муҳити зист ва мутобиқшавӣ ба тағйирёбии иқлим, рушди робитаҳои фарҳангӣ, таълимӣ ва илмӣ, инчунин табодули ҷавонон ворид шудаанд.
Пешбинӣ мешавад, ки оид ба масъалаҳои мубрами рӯзномаи минтақавӣ ва байналмилалӣ, таъмини сулҳу субот ва амният мубодилаи афкор сурат гирад.
Дар ҷаласаи Шӯрои сарони давлатҳои ИДМ натиҷаҳои ҳамкориҳои бисёрҷониба дар доираи Иттиҳод ҷамъбаст шуда, дурнамои рушди минбаъдаи он баррасӣ хоҳанд гардид. Ба 35-солагии таъсиси ин созмон таваҷҷуҳи хос зоҳир карда мешавад.
Дар натиҷаи чорабиниҳо қабули бастаи санадҳои муштарак пешбинӣ шудааст.
Ҳамчунин, барномаи сафар баргузории як қатор мулоқотҳои дуҷонибаро пешбинӣ мекунад.
