Зимни амалиёт ду сокини шаҳри Ангрен, ки солҳои таваллудашон 1993 ва 1997 мебошанд, ҳангоми анҷом додани амали ғайриқонунӣ дастгир карда шуданд. Тибқи маълумоти пешакӣ, онҳо бо маслиҳати пешакӣ як манзилро дар яке аз биноҳои баландошёнаи шаҳр ба иҷора гирифта, дар он ҷо ба тайёркунии пулҳои қалбакӣ машғул шудаанд.
Ҳангоми азназаргузаронии манзил пулҳои қалбакӣ бо арзиши номиналии 100 ва 200 ҳазор сӯм, ки дар марҳалаи истеҳсол қарор доштанд, ба маблағи умумии 79,8 миллион сӯм мусодира гардиданд. Ҳамчунин, аз он ҷо як адад принтери рангаи тамғаи «EPSON», маводи рангдиҳанда ва лавозимоти канселярӣ дарёфт ва гирифта шуд.
Қайд мегардад, ки ҳар ду гумонбар қаблан низ суд шудаанд.
Аз рӯйи ин ҳолат тибқи банди «в»-и қисми 2-и моддаи 176 Кодекси ҷиноятии Ҷумҳурии Ӯзбекистон парвандаи ҷиноятӣ оғоз гардида, амалҳои тафтишотӣ идома доранд.
