Дар ҷараёни музокирот ҷонибҳо масъалаҳои муҳими рушди
минбаъдаи ҳамкории ҳамаҷонибаи Ӯзбекистон ва Урдунро дар доираи татбиқи тавофуқҳое,
ки соли гузашта дар сатҳи олӣ дар шаҳри Самарқанд ба даст омада буданд, баррасӣ
карданд.
Ҳамчунин ҷадвали чорабиниҳои дарпешистода, аз ҷумла сафарҳои
сатҳи олӣ ва баланд, мавриди муҳокима қарор гирифт. Ҷонибҳо аз фаъол гардидани
муколамаи дуҷониба ва табодули ҳайатҳо истиқбол намуда, зарурати таҳкими ҳамкории
сиёсӣ ва ҳамоҳангсозии фаъолияти вазоратҳои корҳои хориҷии ду кишварро таъкид
карданд.
Ба густариши ҳамкорӣ дар соҳаҳои тиҷорату иқтисод,
сармоягузорӣ, нақлиёту логистика, сайёҳӣ, кишоварзӣ, маориф ва фарҳангу
гуманитарӣ таваҷҷуҳи махсус дода шуд. Ҷонибҳо изҳори итминон карданд, ки роҳандозии
парвозҳои мустақим дар хатсайри Уммон
– Тошканд ва фаъолияти Шӯрои
соҳибкорон ба рушди бештари робитаҳои иқтисодӣ такони нав хоҳад
бахшид.
Ҳамчунин доир ба масъалаҳои мубрами рӯзномаи байналмилалӣ
ва минтақавӣ мубодилаи афкор сурат гирифт. Омодагии ҷонибҳо барои идомаи ҳамкорӣ
дар доираи Созмони Милали Муттаҳид,
Созмони ҳамкории исломӣ,
Ҷунбиши ҳамроҳнашавӣ
ва дигар созмонҳои бисёрҷониба бори дигар таъкид гардид.
«Мо Урдунро шарики
муҳим ва боэътимоди Ӯзбекистон дар Ховари Миёна медонем ва ният дорем барои ғанӣ
гардонидани ҳамкории гуногунҷанбаи байни кишварҳоямон бо мазмуну муҳтавои нав
пайваста талош намоем», – таъкид намуд
Бахтиёр Саидов.
