“O'zstandart” agentligi va uning tizimidagi tashkilotlar O'zbekiston iste'molchilar huquqlarini himoya qilish jamiyatlari federatsiyasi bilan birgalikda iste'molchilarning manfaatini ta'minlash hamda ularni sifati kafolatlanmagan mahsulotlardan himoya qilishga hissa qo'shmoqda.
Prezidentimizning  “O'zbekiston Respublikasida muvofiqlikni baholash tizimini yanada takomillashtirish va sinov laboratoriyalari kompleksini rivojlantirish to'g'risida”gi  qaroriga asosan, yurtimizga chetdan olib kelinayotgan hamda respublikamizda ishlab chiqarilayotgan mahsulotlarning sifat va xavfsizlik sinov ko'rsatkichlari to'liq baholangandan so'ng muvofiqlik sertifikati rasmiylashtirib beriladi.
 “O'zstandart” agentligi, O'zbekiston ilmiy-sinov va sifat nazorati markazi qoshidagi mahsulotlarni sertifikatlashtirish idoralari tomonidan 2020 yilning o'tgan 7 oyi mobaynida respublikamiz hududiga import qilingan 907 981 920 so'mlik uch turdagi mahsulotlarning amaldagi me'yoriy hujjat talablariga nomuvofiqligi aniqlanib, ichki bozorlarga olib kirilishining oldi olindi. 322 071 120  so'mlik yog' va kakao o'rnini bosuvchi “SolPro”,  4 564 000 so'mlik pnevmatik shina, 581 346 800 so'mlik sut yog'i o'rnini bosuvchi “Miloko s lyubov`yu” shular jumlasidandir.