O'zbekiston iste'molchilar huquqlarini himoya qilish jamiyatlari federatsiyasi tomonidan dorixonalardagi holat yuzasidan kunlik tahlil o'tkazilmoqda. Jumladan, federatsiyaning Bag'dod tumani jamiyati tomonidan ham uy sharoitida koronavirus infektsiyasini davolash uchun tavsiya etilgan dori vositalarining dorixonalarda mavjudligi va narxi hamda zaxirasi yuzasidan jamoatchilik manitoringi olib borilmoqda. Monitoring natijalariga ko'ra, Bag'dod  shaharchasidagi “SHIFO”, “ADONS FARM”, “RELAKS FARM”, “ASADBEK-MEGA FARM” kabi xususiy dorixonalarda holat quyidagicha ekani ma'lum bo'ldi: askorbinka kislotasi zaxirada 800 so'm, 2000 (ikki ming) dona; gidroksixloroxin 200 mg dori vositasi mavjud emas; paratsetamol 500 mg 1000 so'm, zaxirada 3000 (uch ming) dona, azitromitsin 500 mg dori vositasi — O'zbekistonda ishlab chiqarilgani 5000 so'mdan 30000 ming so'mgacha, Gruziyada ishlab chiqarilgani 36000 ming so'm, Hindistonda ishlab chiqarilgani 25000 ming so'mdan sotilmoqda. Dorixonalarda zaruriy  dori vositalari  zaxirasi etarli darajada mavjudligi va amaldagi tartibga asosan belgilangan narxlarda sotilayotganligi kuzatildi.
      Dilorom Mirzaeva