Сыртқы саясат мекемелері басшылары Ресейге алдағы жоғары деңгейдегі іссапарына тараптар дайындығының жоғары дәрежеде екенін ризашылықпен атап өтті және мемлекетаралық қатынастардың өзекті мәселелерін талқылады.
Екі мемлекеттің халықаралық және аймақаралық ұйымдары аясындағы тығыз байланыс пен өзара қолдап-қуаттауды жалғастыруға дайын екендігі айтылды.
Екі жақ Ауғанстандағы жағдай бойынша пікір алмасты.
Кездесу соңында министрлер ақпараттық және биологиялық қауіпсіздік саласындағы бірқатар екіжақты құжаттарға, сондай-ақ Өзбекстан Республикасы Сыртқы істер министрлігі мен Ресей Федерациясының Сыртқы министрлігі арасында 2022-2023 жылдарға арналған ынтымақтастық бағдарламасына қол қойды, деп хабарлайды Сыртқы істер министрлігінің баспасөз қызметі.