Кездесуде «БҰҰ-Әйелдер» құрылымен ынтымақтастықта гендерлік теңдікті қамтамасыз ету және әйел-қыздардың құқықтары мен мүмкіндіктерін қорғауда жүргізілген кең көлемді реформалардың практикалық нәтижелеріне назар аударылды.
С. Бахус ханым Президентіміздің БҰҰ Бас Ассамблеясының 78-сессиясындағы жасаған ұсыныстары негізінде өткен Азия әйел-қыздары форумы жоғары деңгейде ұйымдастырылғанын атап өтті және оны әр екі жылда бір рет Өзбекстанда өткізу туралы ұсынысты толық қолдайтынын жеткізді.
Сонымен қатар елімізде әйел-қыздардың еңбек құқықтары, олардың кәсіпкерлік қызметі қолдап-қуатталғаны, бұл бағытта әйелдерге кең көлемді жасалып жатқан жеңілдіктер мақтауға лайық екені айтылды.
Өзбекстанның Орталық Азия елдерінің жетекші әйелдерінің диалогын жолға қоюдағы бастамасын, сондай-ақ Республикалық гендерлік теңдікті қамтамасыз ету комиссиясының барлық әйелдердің құқықтары мен мүмкіндіктерін кеңейтудегі нәтижелі қызметін жоғары бағалады.
Тараптар Республикалық Гендерлік теңдікті қамтамасыз ету комиссиясы мен “БҰҰ-Әйелдер” құрылымы арасындағы ынтымақтастық туралы Меморандумға қол қою мәселесін қарауға, сондай-ақ біріккен «жол картасын» әзірлеуге және бекітуге дайын екендіктерін білдірді.
«БҰҰ-Әйелдер» құрылымы әйел-қыздарды қолдап-қуаттау, сондай-ақ заңдылықты жетілдіруге бағытталған бастамаларды жүзеге асыруда көмектесуге дайын екенін білдірді.
Сондай-ақ елімізде “БҰҰ-Әйелдер” құрылымының өкілеттігін ашу мәселесі де талқыланып, алдағы міндеттерді белілеп алды.
Достық және сындарлы рухта өткен кездесу соңында жүйелі диалогты жалғастырудың маңыздылығы мойындалды, деп хабарлайды Олий Мажлис Сенатының баспасөз қызметі.